Ağdamda 2 avtomobil toqquşdu - Ər və arvad xəsarət aldı

Ağdamda iki minik avtomobilinin toqquşması nəticəsində ər və arvad xəsarət alıb.

Avtosfer.az qafqazinfo-ya istinadən xəbər verir ki, hadisə rayonun Bənövşələr qəsəbəsi ərazisində qeydə alınıb.

Məlumata görə, hərəkətdə olan “Toyota” markalı avtomobil “VAZ-2107” markalı nəqliyyat vasitəsi ilə toqquşub. Qəza nəticəsində “VAZ” markalı avtomobilin sürücüsü və həyat yoldaşı müxtəlif dərəcəli bədən xəsarətləri alıblar. Yaralılar dərhal Ağdam Rayon Mərkəzi Xəstəxanasına çatdırılıblar.

Faktla bağlı araşdırma aparılır.

***

Ağdamda baş verən qəzada xəsarət alanların kimliyi məlum olub.

Məlumata görə, “VAZ-2107” markalı avtomobilin sürücüsü rayonun Sarıcalı kənd sakini 52 yaşlı Mehdiyev Taleh Camal oğlu və onun həyat yoldaşı, 42 yaşlı Mehdiyeva Aliyə Cəmil qızıdır.