Ağdamda iki avtomobil toqquşub, xəsarət alan var - FOTO

Ağdam rayonunun Quzanlı qəsəbəsində yol-nəqliyyat qəzası baş verib. Avtosfer.az xəbər verir ki, bu barədə Ağdam Rayon Polis Şöbəsinin Dövlət  Yol Polisi Bölməsindən apa-ya verilən məlumata görə, Ağdam rayon sakini Həsənov Həsən Abbas oğlunun idarə etdiyi “VAZ-2107” markalı maşın Soltanov Eldar Məyiş oğlunun idarə etdiyi “VAZ-21015” markalı avtomobilin yoluna çıxıb və ona çırpılıb. Nəticədə hər iki maşına ciddi ziyan dəyib.

E.Soltanovun avtomobilində olan sərnişin Cəfərov Bəhruz Ədalət oğlu müxtəlif bədən xəsarətləri ilə Ağdam Mərkəzi Rayon Xəstəxanasına yerləşdirilib.

Faktla bağlı araşdırma aparılır.