Ağdamda qəza oldu, yaralılar var - FOTO - YENİLƏNİB

Ağdamda baş vermiş qəzada xəsarət alanların adları məlum olub.

Avtosfer.az xəbər verir ki, onlar 1971-ci təvəllüdlü Xosrov Xəlil oğlu Bayramov, 1974-cü il təvəllüdlü Gültəkin Ayxan qızı Bayramova, 1999-cu il təvəllüdlü Teyyubə Xosrov qızı Bayramova, 1961-ci il təvəllüdlü Laləzar Mirzə qızı Mehralıyeva və 1969-cu il təvəllüdlü Nazilə Kəriş qızı Qarayevadır.

Yaralılardan üçü - Bayramova Gültəkin, Bayramova Teyyubə və Bayramova Laləzara Ağdam Rayon Mərkəzi Xəstəxanasında tibbi yardım göstərildikdən sonra Bərdə Rayon Mərkəzi Xəstəxanasına köçürülüblər.(oxu.az)

***19:32

Ağdamda baş verən qəzada 4 nəfər xəsarət alıb. 

Avtosfer.az unikal-a istinadən xəbər verir ki, rayonun Çəmənli kəndi ərazisində  yüksək sürətlə hərəkətdə olan "Toyota" markalı  avtomobil idarəetmədən cıxaraq yol kənarındakı elektrik xəttinə, daha sonra isə yol kənarındakı beton hasara çırpılaraq hərəkətdə olan "KİA" markalı avtomobillə toqquşub.

Qəza zamanı "Toyota" da olan sürücü də daxil olmaqla 4 nəfər xəsarət alaraq, Ağdam Rayon Mərkəzi  Xəstəxanasına çatdırılıblar.

Faktla bağlı araşdırma aparılır.