Ağdaşda ara məsafəsi saxlamayan sürücü ağır qəza törətdi - VİDEO

Bakı-Qazax yolunun 263-cü kilometrliyində yol-nəqliyyat hadisəsi baş verib.

Avtosfer.az-ın məlumatına görə, qəza oktyabrın 2-də gecə saatlarında qeydə alınıb. Belə ki, 1977-ci il təvəllüdlü Muradov Elşən Elxan oğlunun idarə etdiyi 99-JV-134 dövlət nömrə nişanlı “Isuzu” markalı yük maşını, Manafov Seymur Seyfi oğlunun idarə etdiyi 77-JH-203 dövlət nömrə nişanlı “Howo” markalı yük avtomobiliylə toqquşub. Qəzaya səbəb “Isuzu” sürücüsünün düzgün ara məsafəsi təyin etməməsi olub. Hadisə nəticəsində hər iki nəqliyyat vasitəsinə maddi ziyan dəyib. Xoşbəxtlikdən xəsarət alan olmayıb.

Qeyd edək ki, faktla bağlı araşdırma davam edir.

Nərmin