Ağdaşda avtomobil ağaca çırpıldı - FOTO

Ağdaşda yol qəzası baş verib. Avtosfer.az-ın APA-ya istinadən verdiyi məlumata görə, hadisə bu gün saat 14.00 radələrində Ağdaş-Qəbələ yolunda qeydə alınıb. Ağdaş rayon Dəhnə kənd sakini, 26 yaşlı Həbişov Valeh Ruzigar oğlunun idarə etdiyi “VAZ-2107” markalı, 32 BC 199 dövlət nömrə nişanlı avtomobil yoldan çıxaraq ağaca və daha sonra hasara çırpılıb. Nəticədə sürücü ağır vəziyyətdə xəstəxanaya yerləşdirilib. Faktla bağlı araşdırma aparılır.