Ağdərədə "Niva" aşdı: Xəsarət alanlar var - YENİLƏNİB

Ağdərə rayonunda baş verən yol-nəqliyyat hadisəsi zamanı xəsarət alanların vəziyyətləri açıqlanıb.

TƏBİB-dən Oxu.Az-ın sorğusuna cavab olaraq bildirilib ki, iyunun 16-da saat 19:50-də Respublika Təcili və Təxirəsalınmaz Tibbi Yardım Mərkəzinə Ağdərə rayonu, Həsənriz yolundan çağırış qeydə alınıb:

"Çağırış ünvanına cəlb olunan təcili tibbi yardım briqadası tərəfindən 3 nəfər (kişi) müştərək travma diaqnozu ilə Bərdə Rayon Mərkəzi Xəstəxanasına hospitalizasiya olunub.

Müxtəlif bədən xəsarətləri alan pasiyentlərə zəruri tibbi xidmətlər göstərilib.

Bir nəfər daha ixtisaslı tibbi xidmət almaq üçün özəl tibb müəssisəsinə təxliyə olunub. Vəziyyəti qənaətbəxş qiymətləndirilən digər bir nəfər isə ambulator müalicə üçün evə buraxılıb. Hazırda bir nəfərin də müalicəsi xəstəxanada davam etdirilir, vəziyyəti stabildir".

***10:18

Ağdərə rayonunda ağır yol-nəqliyyat hadisəsi baş verib.

Avtosfer.az oxu.az-a istinadən xəbər verir ki, hadisə rayonun Çardaqlı kəndi ərazisində qeydə alınıb.

Kənd ərazisində hərəkətdə olan "Niva" markalı avtomobil idarəetmədən çıxaraq aşıb. Hadisə nəticəsində sürücü İsa Ağayev, sürücünün atası Bəhram Ağayev və digər sərnişin Samir Məmmədov ağır xəsarət alıblar.

Yaralılar xəstəxanaya yerləşdiriliblər.

Faktla bağlı araşdırmalar aparılır.