Ağır qəza iki nəfərin həyatına son qoydu - VİDEO

Minik avtomobilinin piyadanı vurması ölümlə nəticələnib. Ağır qəza Göyçayda baş verib. Rayonun Mallı-Şıxlı kənd sakini Elsevər Xəlilov taksi fəaliyyəti ilə məşğul olduğu minik avtomobili ilə hərəkətdə olarkən yolu keçən piyadanı, Ərəbşahverdi kənd sakini 23 yaşlı Sənan Ağarəhimovu  vurub. Ağır xəsarətlər alan piyada Mərkəzi Rayon Xəstəxanasına çatdırılıb. Həkimlərin səyinə baxmayaraq onun həyatını xilas etmək mümkün olmayıb. Ağdaşda isə minik avtomobilinin aşması ölümlə nəticələnib. Rayon sakini, 34 yaşlı Ramin İsgəndərov idarə etdiyi minik avtomobili ilə Ağdaş-Ərəbocağı yolunda hərəkətdə olarkən sükana nəzarəti itirib və maşın yoldan çıxaraq aşıb.

Ramin İsgəndərov hadisə yerində dünyasını dəyişib. Hər iki faktla bağlı araşdırma aparılır.