Ağır qəza yenə can aldı: iki nəfər ölüb - VİDEO

Minik avtomobillərinin toqquşması 1 nəfərin ölümü ilə nəticələnib. Ağır qəza Şamaxı-Göylər avtomobil yolunda baş verib. Rayon sakini 38 yaşlı Natiq Soltanovun idarə etdiyi minik avtomobili qarşıdan gələn 54 yaşlı Pənah Nəbiyevin minik maşını ilə toqquşub. Pənah Nəbiyev hadisə yerində dünyasını dəyişib. Digər sürücü Natiq Soltanov və sərnişini, 31 yaşlı Arif Əliyev müxtəlif bədən xəsarətləri ilə Şamaxı rayon Mərkəzi Xəstəxanasına yerləşdiriliblər. Göyçayın Ləkçibulaq kəndində də ölümlə nəticələnən ağır yol qəzası baş verib. Kənd sakini, 57 yaşlı Hümbət Qədirov idarə etdiyi minik avtomobili ilə hərəkətdə olarkən yolun kənarı ilə velosipedlə gedən həmkəndlisi, 27 yaşlı  Qurban İbrahimovu vurub.

Qurban İbrahimov aldığı xəsarətlərdən hadisə yerində ölüb.