Ağır qəzada sürücünün xanımı öldü, 3 nəfər yaralandı

Cəlilabadda bir nəfərin ölümü, üç nəfərin yaralanması ilə nəticələnən yol qəzası baş verib. Avtosfer.az ctvtv-yə istinadən xəbər verir ki, hadisə axşam saatlarında Cəlilabad-Boyxanlı avtomobil yolunun Bədirli kəndindən keçən hissəsində qeydə  alınıb. Rayonun Məlikqasımlı kənd sakini Mais Əzizov "VAZ 21 06" markalı avtomobili ilə hərəkətdə olarkən qarşı tərəfdən gələn, Boyxanlı kənd sakini Davud Səfərovun idarə etdiyi "Mercedes" markalı avtomobilə çırpılıb. Nəticədə "Jıquli"nin sürücüsünün həyat yoldaşı Məlahət Kərimova dünyasını dəyişib. Hər iki avtomobilin sürücüsü, eləcə də digər xanım sərnişin Mahirə Qəfərova yaralanaraq xəstəxanaya çatdırılıblar. Hazırda onların vəziyyətinin orta ağır olduğu deyilir.

Faktla bağlı araşdırma aparılır.