Ağır qəzada yaralanan üçüncü şəxs də öldü - - VİDEO

09:49

Avtosfer.az kanals-ə istinadən xəbər verir ki, Qaraməryəm-İsmayıllı-Şəki avtomobil yolunun 120-ci kilometrliyində Oğuzun Bucaq kəndi ərazisində  baş verən  yol qəzasında ağır yaralanan şəxs, 1988-ci il təvəllüdlü  Allahverdiyev Elşən Əhliyad oğlu dünyasını dəyişib.  Əvvəlcə Oğuz Mərkəzi Rayon Xəstəxanasında, daha sonra isə Şəki Mərkəzi Rayon Xəstəxanasının Travmatologiya şöbəsində aparılan bütün  yardımlara baxmayaraq xəstəni xilas etmək mümkün olmayıb. 

---------

09:19

Avtosfer.az kanals-ə istinadən xəbər verir ki, Qaraməryəm-İsmayıllı-Şəki avtomobil yolunun 120-ci kilometrliyində, Oğuzun Bucaq kəndi ərazisində ağır yol qəzası baş verib. Hadisə nəticəsində 90 NC 945 dövlət nömrə nişanlı "VAZ-21015" markalı avtomobilin sürücüsü, 1974-cü il təvəllüdlü, Oğuzun Malıx kənd sakini Abbasov Rövşən Kamal oğlu idarəetməni itirərək yol kənarındakı ağaca çırpılıb.

Nəticədə sürücü və avtomobildə olan sərnişin, 1964-cü il təvəllüdlü Kərimov Məhyəddin Nəriman oğlu hadisə yerindəcə keçiniblər. Avtomobildə olan digər sərnişin, 1988-ci il təvəllüdlü  Allahverdiyev Elşən Əhliyad oğlu ağır yaralanıb. Deformasiyaya uğramış avtomobildən meyitləri və yaralını çıxarmaq üçün hadisə yerinə Fövqəladə Hallar Nazirliyinin xilasediciləri cəlb ediliblər. Onlar əzilmiş avtomobildən çıxarılaraq Təcili Tibbi Yardım əməkdaşlarına təhvil verilib. Meyitlər müayinə üçün Məhkəmə Tibbi Ekspertiza və Patoloji Anatomiya Birliyinin Oğuz rayon şöbəsinin Meyitlərin Təsrihi bölməsinə gətirilib. Yaralı isə əvvəlcə Oğuz Mərkəzi Rayon Xəstəxanasına, daha sonra isə Şəki Mərkəzi Rayon Xəstəxanasının Travmatologiya şöbəsinə aparılıb. Yaralının vəziyyətinin ağır olduğu bildirilir. Qəzaya ilkin səbəb kimi idarəetmənin itirilməsi göstərilir. Faktla bağlı araşdırma aparılır.