Ağır yol qəzası: 11 ölü, 17 yaralı - İranda

İranda baş verən ağır yol qəzasında 11 nəfər ölüb, 17 nəfər xəsarət alıb. Avtosfer.az apa-ya istinadən xəbər verir ki, hadisə Sistan və Bəluçistan əyalətində, Sarvan şəhərinin Xaş bölgəsində olub.

Hadisə yerinə Qırmızı Aypara Cəmiyyətinin yardım komandası cəlb olunub. Bildirlir ki, ölən və xəsarət alanların əksəriyyəti Əfqanıstan vətəndaşlarıdır.

İlkin məlumata görə,  hadisəyə səbəb Əfqanıstan vətəndaşlarını daşıyan yük maşının sola dönmə əməliyyatını düzgün aparmamasıdır. Hazırda yaralananlar xəstəxanaya yerləşdirilib, çoxunun vəziyyəti ağırdır.