Ağsafada maşın qadını vurub öldürdü

Ağstafa rayonunun Dağkəsəmən kəndində yol-nəqliyyat hadisəsi baş verib. Avtosfer.az DİN-in saytına istinadən bildirir ki, iyulun 5-də saat 23 radələrində Ağstafa rayonunun Dağkəsəmən kəndində şəhər sakini Turan Rzayev idarə etdiyi “VAZ-2106” markalı avtomobili yolun kənarında dayanmış “VAZ-21011” markalı avtomobilə çırpıb və idarəetməni itirdiyindən yolu keçən kənd sakini Gülarə Yusubovanı vurub. Hadisə zamanı xəsarət alan G.Yusubova yerləşdirildiyi xəstəxanada dünyasını dəyişib.

Faktla bağlı Ağstafa RPŞ tərəfindən araşdırma aparılır.

Fidan