Ağstafada "Prado" aşıb - Ölən və xəsarət alan var

Ağstafada ölümlə nəticələn ağır yol qəzası baş verib. Avtosfer.az-ın məlumatına görə, hadisə rayonun Saloğlu qəsəbəsində qeydə alınıb.

Belə ki, hərəkətdə olan "Prado" markalı minik maşını aşıb. Qəza zamanı 2002-ci il təvəllüdlü A.Məmmədov xəstəxanaya aparılarkən yolda ölüb.

Daha bir nəfər isə xəsarət alıb və xəstəxanaya yerləşdirilib.

Faktla bağlı araşdırma aparılır.

***

Ağstafada ölümlə nəticələnən ağır yol-nəqliyyat hadisəsinin bəzi təfərrüatları məlum olub.

Hadisə rayonun Böyükkəsik - Saloğlu yolunda baş verib.

"Toyota" markalı avtomobilin aşması nəticəsində 2002-ci il təvəllüdlü Zəlimxan kənd sakini Ayxan Məmmədov hadisə yerində vəfat edib.

Avtomobildə olan daha bir nəfər isə Ağstafa rayon Mərkəzi Xəstəxanasına çatdırılıb. Faktla bağlı araşdırma aparılır.

İlkin məlumata görə, A. Məmmədov yaxın günlərdə diplom alıbmış və dostları ilə bu hadisəni qeyd etmək istəyirmiş.

Faktla bağlı araşdırma aparılır.