“Akkord”un işçisini avtomobil vurub

Bakının Sabunçu rayonunda 38 yaşlı kişi işdən evə gedərkən onu avtomobil vurub. Avtosfer.az "Report"a istinadən xəbər verir ki, hadisə Pirşağı qəsəbəsində baş verib.

Yolu keçmək istəyən 1978-ci il təvəllüdlü Ağacanov Elxan Kərəm oğlunu avtomobil vurub. Sürücü ərazidən qaçıb. Ağır xəsarət alan E.Ağacanov "Təcili yardım" maşını ilə xəstəxanaya çatdırılıb. Məlumata görə, E.Ağacanov Pirşağı qəsəbəsində "Akkord" şirkətlər qrupuna məxsus müəssisədə işləyib.

Faktla bağlı araşdırma aparılır.