Akkumulyator partladı: bir nəfər yanıq xəsarətləri alıb

Goranboy sakini partlayış zamanı xəsarət alıb. Avtosfer.az-ın APA-ya istinadən verdiyi məlumata görə, Baxçakürd kənd sakini, 1970-ci il təvəllüdlü Namiq Nəzərov avtomobilinin akkumulyatorunu benzinlə yuyarkən partlayış baş verib. Nəticədə N. Nəzərov əlin və üz nahiyəsinin 1 və 2-ci dərəcəli yanıq xəsarəti alaraq xəstəxanaya yerləşdirilib. Ona tibbi yardım göstərilib. Vəziyyətinin normal olduğu bildirilir.