Ankarada ağır yol qəzası: 2 nəfər ÖLDÜ

Türkiyənin Ankara şəhərində ağır yol-nəqliyyat hadisəsi baş verib. 

Avtosfer.az “TRT Haber”ə istinadən xəbər verir ki, Ankara-Samsun yolundakı Kayaş məntəqəsində bir avtomobil yolun kənarındakı baryerlərə çırpılıb.

Avtomobildə olan 2 nəfər nəqliyyat vasitəsini yoxlamaq istəyərkən eyni istiqamətdə hərəkət edən digər bir avtomobil onları vuraraq öldürüb.

Həmin avtomobil də yol kənarındakı yanacaqdoldurma məntəqəsinin qarşısında aşıb.

Qəza yerinə təcili tibbi yardım, polis və yanğınsöndürmə briqadaları göndərilib.

Hadisə ilə bağlı araşdırma aparılır.

(ehuquq.az)