Astarada avtomobil aşıb, xəsarət alan var

Astara rayonunda avtomobil aşıb, sürücü xəsarət alıb. Hadisə rayonun Miki kəndi ərazisində baş verib. Belə ki, rayonun Taxtanəkəran kənd sakini "Niva" markalı avtomobillə hərəkətdə olarkən idarəetməni itirib və avtomobili dərəyə aşırıb. Nəticədə ağır bədən xəsarətləlri alan sürücü Lənkəran Rayon Mərkəzi Xəstəxanasına yerləşdirilib. Sürcü rayonun Taxtanəkəran kənd sakini, 1972-ci il təvəllüdlü Nazim Əzizağa oğlu İbrahimovdur. N.İbrahimov idarə etdiyi "Niva" markalı avtomobillə hərəkətdə olarkən idarəetməni itirib və qəza törədib. Xəstəxanadan "Report"un yerli bürosuna bildirilib ki, onun bel-fəqərə sümüyü sınıb.

Faktla bağlı araşdırmalara başlanılıb.