Astarada maşın ağaca çırpılaraq kanala aşdı

Ələt-Astara magistralının Astara rayonunun Pensər kəndi ərazisindən keçən hissəsində 1 nəfərin xəsarət alması ilə nəticələnən yol qəzası baş verib. 1968-ci il təvəllüdlü Astara rayon Vaqo kənd sakini Şirzadov Şaiq Canəli oğlu idarə etdiyi 07-BS-217 dövlət qeydiyyat nişanlı "VAZ-2106" markalı avtomobil ilə ağaca çırpılıb və nəticədə maşın kanala aşıb. Xəsarət alan sürücü ağır vəziyyətdə Lənkəran Rayon Mərkəzi Xəstəxanasının Reanimasiya şöbəsinə yerləşdirilib.

Ələt-Astara magistralının Astara rayonunun Pensər kəndi ərazisindən keçən hissəsində isə orta yaşlı kişini maşın vurub. Avtosfer.az "Report"a istinadən xəbər verir ki, yaralı ağır vəziyyətdə Lənkəran Rayon Mərkəzi Xəstəxanasının Reanimasiya şöbəsinə yerləşdirilib. Vurulan şəxsin içkili olduğu bildirilir.

Faktla bağlı araşdırma aparılır.