Astarada piyadanı maşın vurdu

Astara rayonu ərazisində piyadanın vurulması ilə nəticələnən yol-nəqliyyat hadisəsi baş verib. Avtosfer.az-ın APA-ya istinadən verdiyi məlumata görə, hadisə rayonun Maşğan kəndində qeydə alınıb. Belə ki, yolu keçmək istəyən 1966-cı il təvəllüdlü Təranə Abdulova nəqliyyat vasitəsi tərəfindən vurulub. Dərhal yaralı Lənkəran rayon Mərkəzi Xəstəxanasına yerləşdirilib. Onun vəziyyətinin qənaətbəxş olduğu deyilir.

Qeyd edək ki, yaralı sürücü tərəfindən xəstəxanaya gətirilib.

Faktla bağlı araşdırma aparılır.