Astarada yük maşını aşıb, Türkiyə vətəndaşı xəsarət alıb - FOTO

Astara rayonunda Türkiyə vətəndaşı xəsarət alıb. Avtosfer.az xəbər verir ki, bu barədə şahidlərin “Report”un Cənub bürosuna verdiyi məlumata görə, hadisəyə yük maşınının aşması səbəb olub. 

Belə ki, Ələt-Astara magistralının Astara rayonu ərazisində yol tikintisində çalışan 1968-ci il təvəllüdlü, əslən Adanadan olan Xəlil Arkalı kəllə-beyin travması və bel nahiyəsində əzilmə diaqnozu ilə Lənkəran rayon Mərkəzi Xəstəxanasına çatdırılıb.

Xəstəxanadan verilən məlumata görə, hazırda Türkiyə vətəndaşının vəziyyəti orta-ağır olaraq qiymətləndirilir.