Atasını öldürdü, avtomobil qəzası görüntüsü verdi - ŞOK HADİSƏNİN DETALLARI

Atasını öldürdü, avtomobil qəzası görüntüsü verdi

Rusiyanın Primorsk vilayətinin, Yakovlevski rayonunun Yablonovka kəndində sərxoş vəziyyətdə olan oğul mübahisə zamanı atasını boğub öldürüb. Ardınca isə qəza görüntüsü verməkməqsədilə onu maşına qoyaraq yenidən “öldürməyə” cəhd edib. 

Avtosfer.az azpost-a istinadən xəbər verir ki, bu barədə Primorsk prokurorluğu məlumat yayıb.

Məlum olub ki, ötən il iyulun 19-da ata və oğul spirtli içki qəbul edib və söhbət zamanı aralarında münaqişə yaranıb. Oğul atasına hücum edərək onun başına və bədəninə bir neçə dəfə zərbə endirib. Sonra isə onu boğaraq öldürüb.

Cinayəti ört-basdır etmək üçün qatil atasını avtomobil qəzasında ölmüş kimi göstərməyə qərar verib. Belə ki, dostuna zəng vurub, atasını maşına mindirib və dərədən aşağı yuvarlayıb. Lakin hüquq-mühafizə orqanları araşdırma zamanı aşmış avtomobildə tapılan şəxsin əsl ölüm səbəbini müəyyən edə bilib.

Həbs edilən cinayətkar Yakovlevski Rayon Məhkəməsinin qərarı ilə 8 il müddətinə ciddi rejimli cəzaçəkmə müəssisəsində olmaqla azadlıqdan məhrum edilib.