Avtobus aşdı - 19 ölü

Çinin cənubunda yerləşən Quandun vilayətində ağır yol-nəqliyyat hadisəsi baş verib. Sürətli trasda avtobusun aşması nəticəsində azı 19 nəfər həlak olub. Avtosfer.az azərtac-a istinadən xəbər verir ki, hadisə bu gün yerli vaxtla saat 13:00-da Xuycou şəhərinin Lunmen qəsəbəsində qeydə alınıb. Qəza anında avtobusda 44 nəfərin olduğu bildirilir. Hadisə yerində xilasedicilər və həkimlər işləyirlər.