Avtobus aşdı - 30 turist xəsarət alıb

Slovakiyada turistləri daşıyan avtobusun iştirakı yol-nəqliyyat hadisəsi baş verib. Avtosfer.az-ın APA-ya istinadən məlumatına görə, hadisə Trnava şəhərinin yaxınlığında baş verib. Belə ki, avtobus sürücüsünün idarətetməni itirməsi nəticəsində nəqliyyat vasitəsi aşıb. Hadisə nəticəsində 30 nəfərin xəsarət aldığı bildirilir. Onlardan 1-nin vəziyyəti kritik, dördünün vəziyyəti isə orta ağır olaraq qiymətləndirilir. Hadisə yerinə təcili tibbi yardım briqadası və qəza vertolyotu cəlb olunub.