Avtobus aşıb, 18 nəfər xəsarət alıb

Şotlandiyada "Rangers" futbol komandasının azarkeşlərini daşıyan avtobus aşıb. Avtosfer.az xəbər verir ki, bu barədə "Herald Scotland" qəzeti xəbər yayıb. Məlumatda bildirilir ki, qəza İst-Erşir vilayətinin Moxlin qəsəbəsində baş verib. Şahidlərin sözlərinə görə, qəzaya səbəb sürücünün nəqliyyat vasitəsinə idarəetməni itirməsi olub.

Hadisə zamanı 18 nəfər xəsarət alıb. Yaralılar xəstəxanalara yerləşdirilib. Onlardan bəzilərinin vəziyyəti ağırdır. Yerli polis müfəttişi faktla bağlı araşdırma aparıldığını bildirib.