Avtobus "Cip"lə toqquşdu: 23 ölü

Taylandda avtoqəza 23 nəfərin ölümünə səbəb olub. Avtosfer.az istipress-ə istinadən xəbər verir ki, içərisində 13 nəfər olan mikroavtobus sərnişin daşıyan "cip"lə toqquşub. Qəza Çonburi şəhərində baş verib.

Şahidlərin ifadələrinə görə, sərnişin daşıyan avtobus sürətlə hərəkət edib və minik maşınına çırpılıb. Bir anda hər iki nəqliyyat vasitəsi alov topuna çevrilib. Yanan maşınlardan heç kimi çıxarmaq mümkün olmayıb. Yeni il tətili günlərində Tayland yollarında qəzaların sayı pik həddə çatır. Məlumata görə, ancaq dekabrın 29-dan yanvarın 1-nə kimi yollarda baş verən qəzalar 280 nəfərin ölümünə səbəb olub. 2,8 min insan isə yaralanıb. Əksər hallarda qəzalara səbəb avtomobilin sərxoş halda idarə edilməsi olur.