Avtobus dərəyə aşıb, 11 nəfər ölüb, 39 sərnişin yaralanıb

Boliviyanın mərkəzi hissəsində sərnişin avtobusu dərəyə aşıb. "Report" xəbər verir ki, bu barədə yerli polis mayoru Sabino Qusiana istinadən "Deber" qəzeti yazıb. Hadisə nəticəsində ən azı 11 nəfər ölüb, 39 sərnişin yaralanıb. 15 metr dərinliyə düşən avtobus Santa-Krus şəhərindən paytaxt Sukre istiqamətində hərəkətdə olub. İlkin məlumatlara görə, sürücü döngədə idarəetməni itirib. Zərərçəkənlər yaxınlıqdakı xəstəxanalara çatdırılıblar. Polis hadisə ilə bağlı araşdırma aparır.