Avtobus ilə yük maşını toqquşdu: 27 ölü

Keniyada avtobus ilə yük maşınının toqquşması nəticəsində azı 27 nəfər ölüb. Avtosfer.az-ın APA-ya istinadən verdiyi məlumata görə, qəza ötən gecə ölkənin iki böyük şəhəri, Nayrobi və Mombasunu birləşdirən yolda baş verib. Hüquq-mühafizə orqanlarının məlumatına görə, avtobus Mombasu istiqamətində hərəkət edib. Yük maşını isə qarşı tərəfdən gəlib. Qeyd edək ki, Keniyada yol-nəqliyyat hadisələri zamanı hər il üç minədək insan ölür. Qəzaların əsas səbəbi sürücülərin yollarda təhlükəli manevrlər etmələri göstərilir.