Avtobus qəzası: 5 ölü, 40-a yaxın yaralı

Əfqanıstanın cənubundakı Qəndəhar əyalətində avtobusun qəzaya uğraması nəticəsində beş nəfər həlak olub. Avtosfer.az-ın Trend-ə istinadən məlumatına görə, hadisə nəticəsində daha 37 nəfərin xəsarət aldığı bildirilir. Xəsarət alanlardan bir neçə nəfərin vəziyyəti ağır olaraq dəyərləndirilir. Qeyd olunur ki, Qəndəhardan Herata gedən avtobus sürücünün idarəetməni itirməsi nəticəsində qəzaya uğrayib. Hadisə ilə bağlı araşdırmalar başlayıb.