Avtobus qəzasında ölənlərin hamısı Ermənistan vətəndaşlarıdır

Səhiyyə Nazirliyi bildirir ki, Vladikavkaz-Beslan trasında qəzaya uğrayan sərnişin avtobusunda ölən 5 nəfərin hamısı Ermənistan vətəndaşlarıdır. Avtosfer.az avropa.info-yə istinadən xəbər verir ki, bu barədə məlumatı Şimali Osetiyanın səhiyyə naziri Mixail Ratmanov verib.

Xatırıladaq ki, bu gecə Moskva-Yerevan marşrutu ilə gedən sərnişin avtobusu Şimali Osetiyadan keçərkən qəzaya uğrayıb. 5 nəfər ölüb, 25 nəfər yaralanıb. Yaralılar arasında 4 nəfər uşaq da var. Qəza sürücünün sükan arxasında yatması nəticəsində baş verib. Avtobusun salonunda 51 nəfər olub. Məlumata görə, yeniyetmə uşaqlar Ermənistan paytaxtında keçiriləcək karate çempionatına gedirlərmiş.