Avtobus və iki yük maşını toqquşdu – 19 ölü

Keniyada avtobus və iki yük maşınının iştirakı ilə baş vermiş yol-nəqliyyat hadisəsində 19 nəfər ölüb. Avtosfer.az salamnews-a istinadən xəbər verir ki, hadisə bu gün səhər Keniyanın mərkəzi hissəsindəki Qilqil şəhəri yaxınlığında baş verib. Bildirilib ki, avtobus ötmə əməliyyatı icra etmək istəyərkən iki yük maşını ilə toqquşub. 18 nəfər hadisə yerində dünyasını dəyişib. Avtobusun daha bir sərnişini isə xəstəxanada keçinib. Müxtəlif xəsarətlər almış bir neçə nəfərin xəstəxanada olduğu bildirilir.