Avtobus yarğana yuvarlandı; 15 nəfər öldü

Perunun şimalında sərnişin avtobusun yarğana yuvarlanması nəticəsində 15 nəfər ölüb. "Report" xəbər verir ki, bu barədə "RİA Novosti" məlumat yayıb. Agentliyin məlumatına görə, hadisə Ankaş regionunda baş verib. Yerli hakimiyyət orqanları rəsmiləri bildiriblər ki, hadisəyə səbəb güclü yağışlar olub. Polis isə qəza zamanı avtobusda 22 sərnişinin olduğunu bildirib və ölənlərin sayının artacağını istisna etməyib.