Avtobus yolun kənarındakı kanalizasiya xəttinə düşdü – 7 ölü , 25 yaralı

Banqladeşin mərkəzində avtobusun yolun kənarındakı kanalizasiya xəttinə düşməsi nəticəsində ağır yol qəzası baş verib. Avtosfer.az-ın salamnews-a istinadən verdiyi xəbərə görə, ən azı yeddi nəfər ölüb, 25 nəfər xəsarət alıb. Məlumata görə, hadisə mayın 2-də axşam saatlarında Tanqayl dairəsində baş verib. Belə ki, Tanqayl-Maymansinqh yolu ilə Dhanbari şəhərinə doğru hərəkət edən avtobus qarşıda hərəkət edən avtomobili ötməyə cəhd edərkən təkərləri kanalizasiya xəttinə düşüb və nəticədə aşıb. Yaralılar yaxınlıqdakı klinikaya yerləşdirilib, onlardan doqquzu bir müddət sonra digər tibb müəssisəsinə köçürülüblər. Onların vəziyyətinin pisləşdiyi bildirilir.