Avtobus yük avtomobili ilə toqquşdu – 13 ölü

Rusiyada "KaMAZ" markalı yük avtomobili ilə "Neoplan" markalı sərnişin avtobusunun toqquşması nəticəsində ölənlərin sayı 13 nəfərə çatıb.

Avtosfer.az "Report"a istinadən xəbər verir ki, bu barədə fövqəladə xidmətlərdəki mənbədən verilə məlumata görə, "yol qəzasında ölənlərin sayı 13 nəfərə çatıb, 12 nəfər xəsarət alıb" - deyə müsahib bildirib. Qeyd edək ki, hadisə Tatarıstanda, Zainsk şəhərindən 9 kilometr məsafədə baş verib. Hər iki nəqliyyat vasitəsi qəzadan sonra yanmağa başlayıb. Avtomobillər yerli vaxtla saat 01:17-də söndürülüb.

***04:54

Rusiyada baş vermiş ağır yol-nəqliyyat hadisəsində ölənlərin sayı 10 nəfərə çatıb.

Hadisə Tatarıstanda qeydə alınıb. Rusiya Fövqəladə Hallar Nazirliyinin regional idarəsinin yaydığı məlumata görə, "KaMAZ" markalı yük avtomobili ilə "Neoplan" markalı sərnişin avtobusunun toqquşması nəticəsində 10 nəfər ölüb, 12 nəfər yaralanıb.

***04:39

Rusiyada ağır yol-nəqliyyat hadisəsi baş verib. Hadisə Tatarıstanda qeydə alınıb.

Rusiya Fövqəladə Hallar Nazirliyinin regional idarəsinin yaydığı məlumata görə, "KaMAZ" markalı yük avtomobili ilə "Neoplan" markalı sərnişin avtobusunun toqquşması nəticəsində 7 nəfər ölüb, 11 nəfər yaralanıb. Hadisə Zainsk şəhərindən 9 kilometr məsafədə baş verib. Hər iki nəqliyyat vasitəsi qəzadan sonra yanmağa başlayıb. Avtomobillər yerli vaxtla saat 01:17-də söndürülüb.  Avtobusun Samara-İjevsk marşrutu ilə hərəkət etdiyi bildirilir. Yaralıların hamısı Zainsk rayonunun mərkəzi xəstəxanasına çatdırılıb.

"TASS" agentliyi də hadisə zamanı ölənlərin sayının 10-a çatdığını xəbər verib. Hadisə yerində təhqiqat qrupu işləyir.