Avtobus yük maşını ilə toqquşaraq yandı - 17 nəfər öldü

Hindistanda sərnişin avtobusunun iri yük avtomobili ilə toqquşaraq yanması nəticəsində ən azı 17 nəfər ölüb. Avtosfer.az xarici mediaya istinadən xəbər verir ki, hadisə ölkənin Karnataka ştatının Çitradurqa rayonunda yerli vaxtla gecə saat 2 radələrində baş verib. Polisin məlumatına görə, əks istiqamətdə gələn yük avtomobili idarəetməni itirərək avtobusa çırpılıb. Hadisə vaxtı avtobusda 32 nəfər olub. Onların arasında xəsarət alanlar var. Qeyd edək ki, Hindistanda ölümcül yol-nəqliyyat hadisələri tez-tez baş verir. Bunun əsas səbəbi yol infrastrukturunun zəif olması və sürücülərin məsuliyyətsizliyidir.