Avtobus yük maşını ilə toqquşdu - 7 ölü, 35 yaralı

Bu gün səhər saatlarında Dubayda avtobusun yük maşını ilə toqquşması nəticəsində ağır yol-nəqliyyat hadisəsi baş verib. Avtosfer.az-ın Trend-ə istinadən məlumatına görə, Əl-Yalayis küçəsində baş vermiş qəzada 7 nəfər ölüb, daha 35 nəfər müxtəlif dərəcəli bədən xəsarətləri alıb. Polisin verdiyi ilkin açıqlamaya əsasən, qəzaya səbəb avtobus sürücüsünün idarəetməni itirərək qarşı yola çıxması göstərilir. Hadisə ilə bağlı araşdırma aparılır.