Avtobus zolağına girən sürücü keçiddə azyaşlını vurdu – REAL VİDEO

Baş Dövlət Yol Polisi İdarəsinin bölmə rəisi polis polkovnik-leytnantı Rövşən Tağıyev sosial şəbəkə hesabında piyada keçidində azyaşlı piyadanın avtomobillə vurulmasını əks etdirən video görüntü paylaşıb.
Avtosfer.az xəbər verir ki, hadisə Nəsimi rayonu Rəşid Behbudov küçəsində eydə alınıb. 
Görüntülərdə sıxlıq olan yolda sürücünün avtobus zolağına daxil olduğu və piyada keçidində azyaşlını vurduğu əks olunub. Xoşbəxtlikdən zərbə yüngül olub. Azyaşlı ağır xəsarət almasa da psixoloji sarsıntı keçirib. 
Sürücüləri hər bir halda piyada keçidinə yaxınlaşarkən diqqətli olmağa çağıran Rövşən Tağıyev avtobus zolağına daxil olan sürücülərə də bir daha xəbərdarlıq edib. Qeyd edib ki, onlar barəsində inzibati tənbeh tədbirləri görüləcək.

Məhəbbət Tərlanoğlu