Avtobusda sərnişini döydülər - Bakıda

Bakının Xəzər rayonunda döyülmə hadisəsi baş verib. Avtofer.az musavat.com-a istinadən xəbər verir ki, 23 yaşlı gənc naməlum şəxslər tərəfindən döyülüb.

Şüvəlan qəsəbəsinə gedən avtobusun sərnişini, 23 yaşlı Ağaşirinli Tamerlan Musa oğlu avtobusda naməlum şəxslərlə mübahisə edib. Həmin şəxslər Maştağa qəsəbəsi ərazisində onu abtobusdan düşməyə məcbur ediblər və gənc sərnişini döyüblər. Ağır bədən xəsarətləri alan Tamerlan Ağaşirinli xəstəxanaya yerləşdirilib.

Hadisə barədə polisə məlumat verilib. Xəzər Rayon Polis İdarəsində faktla bağlı araşdırma aparılır.