Avtobusdan yerə düşən qadını və onun qızını avtomobil vurdu - Bakıda

Bakıda avtobusdan yerə düşən qadını və onun qızını avtomobil vurub. Avtosfer.az "Report"a istinadən xəbər verir ki, yol-nəqliyyat hadisəsi Sabunçu rayonunda baş verib. Bilgəh qəsəbəsində dayanacaqda avtobusdan enərək yola çıxan 1973-cü il təvəllüdlü Bayramova Afət Tofiq qızı və onun qızı, 1997-ci il təvəllüdlü Bayramova Lamiyyə Habil qızını minik avtomobili vurub. Hər iki yaralı xəstəxanaya yerləşdirilib. Həkimlər onların vəziyyətini orta-ağır kimi qiymətləndirir. Faktla bağlı Sabunçu Rayon Polis İdarəsinin əməkdaşları sürücünü saxlayıb.