Avtobusla minik avtomobili toqquşdu: 6 ölü

Tatarıstanın Tülyaçinsk rayonunda avtomobil qəzası nəticəsində 7 nəfər həlak olub. ANS PRESS-in məlumatına görə, hadisə "Citroen Jumper" markalı mikroavtobusla "Hyundai" minik avtomobilinin toqquşması nəticəsində baş verib. Rusiyanın Daxili İşlər Nazirliyinin region üzrə təmsilçilərinin yerli KİV-ə bildirdiyinə görə, ölənlərdən ikisi uşaqdır. Daha 4 nəfər (bəzi məlumatlara görə isə 7 nəfər) xəstəxanaya çatdırılıblar. İlkin ehtimala görə, qəzanın səbəbkarı minik avtomobilinin sürücüsü olub. Onun qarşı tərəfin hərəkət zolağına çıxdığı qeyd edilib.

Hadisə yerində təcili yardım, yanğınsöndürən və xilasedicilər qrupu işləyir.