Avtobusla yük maşını toqquşdu: 14 ölü, 38 yaralı

Misirin Beni-Süeyf əyalətində ağır yol qəzası baş verib. Avtosfer.az-ın APA-ya istinadən verdiyi xəbərə görə, paytaxt Qahirə istiqamətində hərəkət edən sərnişin avtobusu yük maşını ilə toqquşaraq aşıb. Hadisə nəticəsində 14 nəfər ölüb, 38 nəfər müxtəlif dərəcəli xəsarətlər alıb. Qəzanın səbəbləri hələ ki, məlum deyil. Misirin Səhiyyə nazirliyinin hesablamalarına görə, hər il ölkədə 7-8 min insan yol qəzalarının qurbanı olur.