Avtobusuda yanğın təhlükəsi yaranıb, sərnişinlər təxliyə olunub - FOTO

Bakıda yanğın təhlükəsi ilə əlaqədar marşrut avtobusunun sərnişinləri təxliyə edilib. Avtosfer.az "Report"a istinadən xəbər verir ki, 49 saylı marşrut avtobusu metronun "Xətai" stansiyası yaxınlığında tüstülənməyə başlayıb. Tüstülənmə avtobusun əyləc hissəsində olub. Bundan sonra sərnişinlər təxliyə edilib. Hadisə yerinə Fövqəladə Hallar Nazirliyinin Yanğından Mühafizə İdarəsinin əməkdaşları cəlb olunub.