Avtomobil 10 yaşlı uşağı vurub - Ağdamda

Ağdamda 10 yaşlı  piyadanın ağır xəsarət alması ilə nəticələnən yol qəzası baş verib. Avtosfer.az xəbər verir ki, bu barədə apa-nın Qarabağ bürosunun xəbərinə görə, 1984-cü il təvəllüdlü Rəhimov Elsəvər Yaqub oğlu idarə etdiyi “VAZ 2106” markalı maşınla Ağdam rayonunun Sarcalı kəndində yol kənarında dayanan 2006-cı il təvəllüdlü Cabbarov Fərhad Əli oğlunu vurub. 10 yaşlı uşaq xəsarətlə Ağdam Mərkəzi Rayon Xəstəxanasına yerləşdirilib.

Xəstəxanadan onun vəziyyətinin orta-ağır olduğu bildirilib. Ağdam rayon Polis Şöbəsindən verilən xəbərə görə, sürücü saxlanılıb. 

Faktla bağlı araşdırma aparılır.