Avtomobil 37 yaşlı kişini vurdu - Bakıda

Bakıda 1 nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az-ın "Report"a istinadən məlumatına görə, hadisə "Koroğlu" metrostansiyasının yaxınlığında qeydə alınıb. Belə ki, "Toyota Land Cruiser" markalı avtomobil yolu keçən 1980-cı il təvəllüdlü Bayramov Ramil Eynulla oğlunu vurub. Nəticədə o, xəsarət alıb. Avtomobilin sürücüsü R.Bayramovu xəstəxanaya yerləşdirib. Faktla bağlı Nərimanov Rayon Polis İdarəsində araşdırma aparılır.