Avtomobil 53 yaşlı piyadanı vuraraq öldürdü - Ağstafada

Ağstafa rayonunda piyadanın vurulması ilə nəticələnən yol-nəqliyyat hadisəsi baş verib. Avtosfer.az-ın "Report"a istinadən verdiyi məlumata görə, rayonun Vurğun qəsəbəsinin sakini, 1964-cü il təvəllüdlü Namiq Həbib oğlu Yüsibov yolu keçmək istəyərkən "VAZ-2106" markalı avtomobil onu vurub. Ağır bədən xəsarətləri alan piyada Ağstafa Rayon Mərkəzi Xəstəxanasının reanimasiya şöbəsinə yerləşdirilib. Həkimlərin səyinə baxmayaraq, piyada xəstəxanada dünyasını dəyişib.

Faktla bağlı araşdırmalara başlanılıb.