Avtomobil ağaca çırpıldı, sürücü sıxılaraq öldü - VİDEO

Avtomobil ağaca çırpıldı ,sürücü sıxılaraq öldü. Ağır qəza Lənkəranda olub. Masallı rayonunun Mahmudavar kənd sakini, 45 yaşlı Güləddin Qasımov avtomobili ilə gedərkən qəfildən idarəetməni itirib və maşın yoldan çıxaraq ağaca çırpılıb. Güclü zərbədən avtomobil əzilərək yararsız hala düşüb. Ağır bədən xəsarətləri almış sürücü maşından çıxarılaraq Lənkəran Mərkəzi Rayon Xəstəxanasına çatdırılıb. Həkimlər tərəfindən zəruri tibbi yardımların göstərilməsinə baxmayaraq Güləddin Qasımov bir müddət sonra dünyasını dəyişib.Onun meyiti Məhkəmə-Tibbi Ekspertiza və Patoloji Anatomiya Birliyinin Lənkəran rayon şöbəsində müayinədən keçirildikdən sonra ailəsinə təhvil verilib.

Goranboyda isə 53 yaşlı kişini avtomobil vurararaq öldürüb. Hadisə Bakı-Qazax avtomagistralının Dəliməmmədli qəsəbəsi ərazisindən keçən hissəsində qeydə alınıb. Faxralı kənd sakini, Aytəkin Həsənov yolu keçmək istəyərkən avtomobil onu vurub. Müxtəlif dərəcəli bədən xəsarətləri alan piyada xəstəxanaya aparılarkən yolda dünyasını dəyişib.