Avtomobil ağaca çırpıldı: yaralananlar var - Cəlilabadda

Cəlilabad rayonunda yol qəzası baş verib. Avtosfer.az-ın “Report”a istinadən xəbər verir ki, hadisə Ələt-Astara magistralının Cəlilabad rayonundan keçən hissəsində qeydə alınıb. Belə ki, Bakı istiqamətində hərəkətdə olan “Mercedes” markalı avtomobil idarəetməni itirib və yolun kənarındakı ağaca çırpılıb. Nəticədə Masallı rayon sakini, 39 yaşlı Azər Tapdıq oğlu Əsədov və Saatlı rayon sakini, 29 yaşlı Mərifət Mətləb oğlu Sərvətov müxtəlif dərəcəli bədən xəsarətləri alıblar. Yaralılar Cəlilabad Rayon Mərkəzi Xəstəxanasına çatdırılıblar. Faktla bağlı araşdırma aparılır.