Avtomobil aşdı – Gəncədə

Gəncədə 4 nəfərin xəsarət alması ilə nəticələnən yol-nəqliyyat hadisəsi baş verib.

Avtosfer.az apa-ya istinadən xəbər verir ki, hadisə avqustun 7-də saat 7 radələrində şəhərin Nizami Gəncəvi prospektində qeydə alınıb.

BMW markalı avtomobil idarəetmədən çıxaraq yolun kənarındakı səkiyə çırpılıb.

Zərbənin gücündən avtomobil aşıb.

Nəticədə avtomobildə olan 4 nəfər - 1994-cü il təvəllüdlü İlahə Cəlilova, 1991-ci il təvəllüdlü Şahlar Verdiyev, 1999-cu il təvəllüdlü İsmayıl Əlibəy və Nurlan Ələsgərov müxtəlif bədən xəsarətləri alaraq Gəncə şəhər Təcili Tibbi Yardım xəstəxanasına yerləşdirilib.

Faktla bağlı Gəncə şəhər Baş Polis İdarəsində araşdırma aparılır.