Avtomobil aşdı - Samuxda

Samuxda avtomobil aşıb. Avtosfer.az apa-ya istinadən xəbər verir ki, hadisə Gəncədən İmamzadə ziyarətgahına gedən yolda qeydə alınıb.

Samux rayon Bağmanlar kənd sakini, 1994-cü il təvəllüdlü Qalib Elşən oğlu İmanov idarə etdiyi QAZ-24 markalı avtomobillə hərəkətdə olarkən idarəetməni itirib və maşın yolun kənarına aşıb.

Qəza zamanı sürücü müxtəlif bədən xəsarətləri alaraq Gəncə şəhər Abbas Səhhət adına 1 saylı xəstəxanaya yerləşdirilib. Ona dərhal tibbi yardım göstərilib. Vəziyyətinin orta ağır olduğu bildirilir.

Faktla bağlı Samux rayon Polis Şöbəsində araşdırma aparılır.