Avtomobil aşdı: sərnişin öldü, sürücünün vəziyyəti ağırdır

Gəncə-Göygöl avtomobil yolunda ölümlə nəticələnən yol qəzası baş verib. Avtosfer.az xəbər verir ki, bu barədə Polis İdarəsindən anspress-ə verilən məlumata görə, hadisə Qızılqaya qəsəbəsi iqamətgahın qarşısında qeydə alınıb. Gəncə şəhər sakini 1992-ci il təvəllüdlü Elmar İlqar oğlu Rzayevin idarə etdiyi “Nissan” markalı avtomobil hərəkətdə olarkən qəfildən idarəetməni itirib və avtomobili yolun kənarında olan maneəyə çırpıb.

Qəza zamanı sürücü 24 yaşlı E. Rzayev və sərnişini şəhər sakini 1994 Azər Sərdar oğlu Sadıqov müxtəlif dərəcəli bədən xəsarətləri alıblar.

Yaralılar dərhal xəstəxanaya çatdırılsa da, 22 yaşlı Azər Sadıqovun həyatını xilas etmək mümkün olmayıb. Sürücü 1992-ci il təvəllüdlü Elmar Rzayevin isə vəziyyəti ağırdır. 

Faktla bağlı Gəncə şəhər Nizami Rayon Polis İdarəsində araşdırma aparılır.