Avtomobil aşdı: sürücü xəsarət alıb - Qazaxda

Qazaxda sürücünün xəsarət alması ilə nəticələnən yol-nəqliyyat hadisəsi baş verib. Avtosfer.az-ın APA-ya istinadən verdiyi məlumata görə, hadisə rayonun Qaymaqlı kəndinə gedən yolda qeydə alınıb. Kənd sakini, 1994-cü il təvəllüdlü Əhmədov Təbriz idarə etdiyi “VAZ 2106” markalı avtomobillə hərəkətdə olarkən idarəetməni itirib və maşın yolun kənarına aşıb. Qəza zamanı xəsarət alan yaralı xəstəxanaya yerləşdirilib. Faktla bağlı Qazax rayon Polis Şöbəsində araşdırma aparılır.